အာပေါဓာတ်
Rose Quartz ခေါ် နှင်းဆီ သလင်းသည် မေတ္တာဓာတ်လှိုင်းကို အဓိက အားပေး လှုံ့ဆော် နိုင်သည့် အတွက် သင်၏ နေ့ရက်များကို မေတ္တာတရားဖြင့် ဦးဆောင်ကာ လျှောက်လှမ်းနိုင်မည် ဖြစ်သည်။ စစ်မှန် သော မေတ္တာတရားကို ဆွဲငင်သော ကျောက်ဖြစ်သောကြောင့် လူချစ်လူခင်များခြင်း နှင့် အကူအညီ အစောင့်အရှောက်ကောင်းများ တို့ကိုလည်း ရစေနိုင်သည်။မိမိကိုယ်ကိုမိမိ မြတ်နိုးတန်ဖိုးထားမှု မြင့်စေသောကြောင့် မိမိနာကျင်ခံစားရမည့် အလုပ်များ၊ အကြည်ညိုပျက်စေမည့် အတွေးအခေါ် အကြံအစည်များကို ရှောင်ကြဉ်ပြီးသား ဖြစ်သွားစေသည်။
ထို့အပြင် နှင်းဆီသလင်းသည် စိတ်ဖိစီးမှုကို လျော့ကျစေခြင်း၊ စိတ်ကျရောဂါ များမှ ကင်းဝေးစေခြင်း တို့သာမက သင့်အား အေးချမ်းကြည်လင်ပြီး အပြုသဘောဆောင်သည့် စိတ်ကူး အကြံဉာဏ်များကို ဖြစ်ထွန်းအောင် လှုံ့ဆော်နိုင်မည်ဖြစ်သည်။ အထူးသဖြင့် သက်လတ်ပိုင်း စိတ်ကျရောဂါ (Mid-life Crisis) ကို ပါကာကွယ် ကုစားပေးနိုင်သည်။ နှင်းဆီသလင်းသည် အလှအပရေးရာတွင်လည်း အစွမ်းထက်သော ကျောက်တစ်မျိုး ဖြစ်ပြီး အထူးသဖြင့် အသားအရေ ကြည်လင် တင်းရင်း လှပစေရန် အတွက် အထောက်အကူပြုပါသည်။
English (US)
Português
العربية