(Sagittarius) CITRINE (သလင်းဝါ) တေဇောဓာတ် (November 22 – December 21)

Citrine ခေါ် သလင်းဝါ ၏ အဝါရောင် အလင်းတန်း သည် နေမင်း၏ အလင်းရောင်ကဲ့သို့ပင် ပျော်ရွှင်လန်းဆန်းတက်ကြွစေသော စိတ်ခွန်အားကို ပေးနိုင်ပြီး စိတ်ကျခြင်း Depression ဝင်ခြင်းမှ ကာကွယ်နိုင်သည်။ မိမိ ကိုယ်ကိုမိမိ ယုံကြည်ချက်ခိုင်မာပြီး အောင်မြင်မှု ပန်းတိုင်သို့ ရောက်စေနိုင်သည့် အရည်အချင်းတို့ကို မွေးမြူစေနိုင်သည်။ ဘဝကို ပြည့်ဝ ပျော်ရွှင်စွာ ဖြင့် ရှင်သန် နေထိုင်တတ်သည့် စိတ်စွမ်းအားကို လှုံ့ဆော်ပေးသည်။ အပြောင်းအလဲကို နှစ်သက်ပြီး အပြောင်းအလဲမှ ရလာသည့် စိန်ခေါ်မှု အသစ်များကို မှန်ကန်စွာ ကိုင်တွယ် ဖြေရှင်းတတ်စေသည်။

စိတ်ကူးစိတ်သမ်း ကောင်းမွန်ပြီး လမ်းသစ်ထွင် လုပ်ကိုင်တတ်ခြင်းကို အားပေးသည်။ အစာချေစနစ်၊ အစာအိမ်၊ သရက်ရွက်၊ ပန်ကရိရက်စ် တို့ကို အားဖြည့်ပေးပြီး အထူးသဖြင့် ဆီးနှင့် ကျောက်ကပ်ကို အကျိုးပြုသည်။ သွေးကို သန့်စေပြီး အမြင်အာရုံကို တိုးတက် ကောင်းမွန်စေသည်။