(Virgo) Carnelian (August 23 – September 22)

တေဇောဓာတ်

ကာနီလီယန် (Carnelian) ကျောက်သည် လိမ္မော်နီရောင်ရှိတဲ့ သလင်း အုပ်စု (Quartz) အမျိုးနွယ် Chalcedony (ကယ်လဲဆဲ-ဒနီ) ကျောက်မျက်အမျိုးအစားဖြစ်ပါသည်။ Carnelian ကျောက်ဟာ Sacral Chakraကို ညီညွတ်မျှတအောင် ကုစားရန်အတွက် အင်မတန်အရေးပါသော ကျောက်ပါသည်။

ကာနီလီယန်ကျောက်သည် စိတ်အားတက်ကြွမှု နှင့် ဇွဲလုံ့လ ဝီရိယ တို့ကို ကိုယ်စားပြုသော ကျောက်ဖြစ်ပြီး ကမ္ဘာတလွှားတွင် လူကြိုက်များ ရေပန်းစားတဲ့ ကျောက်မျက်အမျိုးအစား ဖြစ်ပါသည်။

Carnelian ကျောက်ဟာဆိုရင် ဆောင်ယူဝတ်ဆင်သူကို သတ္တိ နှင့် ပြည့်စုံစေခြင်း၊ ရုပ်ပိုင်းဆိုင်ရာ စိတ်ပိုင်းဆိုင်ရာ စွမ်းအားများ တိုးတက်စေခြင်း၊ တေဇာဓာတ်ညီညွတ်မျှတစေခြင်း၊ စစ်မက်တိုက်ပွဲများသာမက ဘဝတိုက်ပွဲများအတွက် အောင်မြင်မှုကို ပါ ဆောင်ကြဉ်းပေးနိုင်ခြင်း စတဲ့ အစွမ်းအာနိသင်တွေကို ရရှိစေပါတယ်။

တီထွင်ဖန်တီးဆန်းသစ်နိုင်ခြင်း၊ စိတ်ခံစားချက်များကို ကောင်းစွာ ဖော်ထုတ်နိုင်ခြင်း၊ ဇွဲလုံ့လ ကြီးမားခြင်း၊ လွယ်လင့်တကူ အရှုံးမပေးခြင်း၊ မိမိကိုယ်ကိုမိမိ Confidence အပြည့်ရှိခြင်း၊ ရဲရင့်ပြတ်သားခြင်း၊ အပြောင်းအလဲများကို လက်ခံနိုင်ခြင်း၊ ကျန်းမာရေး ကောင်းမွန်ပြီး ကာမစွမ်းအားကောင်းမွန်ခြင်း၊ မျိုးပွားနိုင်ခြင်း၊ အမျိုးသမီးများလည်း သန္ဓေအောင်ခြင်း စသည့် အိမ်ထောင်ရေးသုခနှင့်ပြည့်စုံခြင်း အကျိုးများကို ခံစားရမည်ဖြစ်ပါသည်။  စိတ်အားငယ်၊ စိတ်ဓာတ်ကျခြင်း ဝေဒနာများကိုလည်း ကုစားပေးနိုင်ပါသည်။

လေးဖက်နာရောဂါကဲ့သို့ အဆစ်အမြစ်နှင့် ပတ်သတ်သော ဝေဒနာများ၊ သားသမီးမရနိုင်ခြင်း၊ အမျိုးသမီးများ သွေးသားဟော်မုန်းပြဿနာများ၊ ဆီးနှင့် ကျောက်ကပ်ဆိုင်ရာ ဝေဒနာများ၊ ကာမ စိတ်ဆန္ဒကုန်ခမ်းခြင်း သို့ ကာမကျူးခြင်း၊ အဝလွန်ခြင်း၊ မူးယစ်ဆေးဝါးနှင့် အရက်သေစာများအား စွဲလန်းခြင်း အစရှိသည့် ကျန်းမာရေး၊ လူမှုရေး ပြဿနာများ၊ ဝေဒနာများကို ကုစားရန်အတွက် ကာနီလီယန်ကျောက်ရဲ့ စွမ်းအင်များကို အသုံးချကာ ကုစားနိုင်ပါသည်။